Plantun de Prouvènço

Pèr coumpara dos planto d'encò nostre

Lysimachia nummularia & Ulex europaeus

Erbo-dis-escut

Lysimachia nummularia

Primulaceae

Àutri noum : Erbo-di-cènt-malautié, Escapo-dai.

Noms en français : Herbe aux écus, Monnoyère.

Descripcioun :
L'erbo-dis-escut, planto rebaladisso, èi devengudo pulèu raro en Prouvènço. Trachis dins li prado, lis orle umide e li roubino. Se recounèis à si flour jauno e subretout à si fueio óupousado redouno que fan pensa à de peço de mounedo. La planto èi marcado sus listo roujo, categourìo LC valènt à dire soucit minour.

Usanço :
Dicho peréu despièi l'Age-Mejan erbo-di-cènt-malautié, a la reputacioun d'èstre uno planto proun vertuouso. Pamens fai de tèms qu'èi pu gaire emplegado. Ajudo à la cicatricacioun e sarié bono contro li moureno. Astringènto, saro li car e aurié de prouprieta emoustatico. Se preparo en decoucioun.

Port : Erbo
Taio : 2 à 5 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lysimachia
Famiho : Primulaceae

Ordre : Ericales

Coulour de la flour : Jauno
Petalo : 5
Ø (o loungour) flour : 1,5 à 2 cm
Flourido : Printems - Estiéu

Sòu : Ca (Si)
Autour basso e auto : 0 à 1200 m
Aparado : Noun
Mai à Juliet

Liò : Prado - Isclo - Roubino - Orle
Estànci : Mesoumediterran à Mountagnard
Couroulougi : Éurasiatico
Ref. sc. : Lysimachia nummularia L., 1753

Argelas(-d'Éuroupo)

Ulex europaeus

Fabaceae Leguminosae

Noms en français : Ajonc d'Europe, Grand ajonc.

Descripcioun :
L'argelas-d'Éuroupo vèn pas naturalamen en Prouvènço qu'es uno planto atlantico. Es esta planta e se pòu naturalisa dins li relarg séusous. Se destrìo de noste argelas que trachis dins li garrigo cauquiero, emé sa flour bèn pu grosso (> 12 mm) e si ramo ramificado.

Usanço :
Li flour soun manjadisso, adoubado en boutoun coume de tapeno. Au contro, la planto es empouisounanto que caup d'alcalouïde.

Port : Aubret
Taio : 0,5 à 2,5 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Ulex
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 1,2 à 1,5 cm
Flourido : Printèms Ivèr

Sòu : Si
Autour basso e auto : 0 à 1200 m
Aparado : Noun
Febrié à mai

Liò : Camin - Champino - Ermas
Estànci : Subremediterran à Mountagnard
Couroulougi : Atlantico
Ref. sc. : Ulex europaeus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

RRR

ges

Lysimachia nummularia & Ulex europaeus

ges

Coumpara Erbo-dis-escut emé uno autro planto

Coumpara Argelas(-d'Éuroupo) emé uno autro planto